Иако свеченото отворање ќе се одржи дури во петок, кога официјално започнуваат Летните олимписки игри во Токио, натпреварите во некои спортови започнуваат веќе во среда.

Фудбалските турнири традиционално започнуваат пред официјалното отворање, а оваа година први ќе стартуваат софтболистките.

Софтболот е на Олимпијадата за првпат од Пекинг во 2008 година, а нема да биде во Париз за три години. Шест репрезентации учествуваат на софтбол турнирот, што значи дека половина од нив ќе освојат медали.

Софтболистките ќе стартуваат во 02.00 часот наутро по македонско време

Веќе во 09.00 часот наутро по локално, односно во 02.00 по македонско време ќе се сретнат Австралија и Јапонија, три часа подоцна силите ќе ги одмерат Италија и САД, а после нив, односно три часа подоцна ќе играат Мексико и Канада.

"This will be the toughest @Olympics because the teams are so close together talent wise, more so than ever before." ?

Brush up on your softball knowledge and read our preview on tomorrow mornings action. @WBSC #UnitedByEmotion | #StrongerTogether https://t.co/qgEDDTX1k2

— #Tokyo2020 (@Tokyo2020) July 20, 2021

Во 09.30 часот по македонско време ќе започне и женскиот фудбалски турнир, на стартот ќе играат Велика Британија и Чиле. Вкупно се играат шест натпревари на три стадиони, а преостанатите парови се Кина – Бразил (10.00 часот), Шведска – САД (10.30 часот), Јапонија – Канада (12.30 часот), Замбија – Холандија (13.00 часот) и Австралија – Нов Зеланд (13.30 часот).

Фудбалерите ќе стартуваат во четврток

Во четврток ќе се игра второто коло на турнирот во софтбол, а ќе се приклучат и фудбалерите, кои ќе одиграат осум натпревари, а први според програмата се Египет и Шпанија од 09.30 часот по македонско време.

Натпреварувањато во веслање, стрелаштво и коњички спортови ќе започнат во петок пред свеченото отворање.