Во пригодна и свечена атмосфера, официјално беше отворено 17. издание на Меѓународниот театарски фестивал „Св. Јоаким Осоговски“, во Крива Паланка, со одржување на свечена академија во чест на лауреатот на фестивалот – Игор Џамбазов.

Во присуство на гости, љубители на театарот и културата, како и претставници на културни институции, му беше беше доделена наградата „Лауреат“,  за значаен придонес во областа на театарот и културата на фестивалот на Игор Џамбазов.

Игор Џамбазов e македонски актер, писател, музичар, поет, текстописец, беседник, режисер, но и ТВ-водител, шоумен и забавувач. Човек со кревка уметничка душа, чие име е одамна врежано во срцето на македонската театарска сцена, телевизијата и книжевноста.

Со ова признание, организаторите на фестивалот оддадоа почит на Џамбазов, за извонредниот придонес во развојот на македонскиот театар, неговото инспиративно творештво и долгорочното влијание врз културниот живот во државата.