Македонскиот автомобилист Игор Стефановски беше најдобар на трката „Еко Хомо Штернберг“ во Чешка во рамките од Европскиот шампионат на ридски патеки.

Иако во текот на тренинзите имаше проблем со моторот на возилото, нашиот Иџе во чешката Прага најпрвин го освои првото место во првата трка поставувајќи нов рекорд на патеката во групата „3“.

Со својот „Хјундаи и30 ТЦР“ беше најдобар со време 3:15.299, пред Италијанецот О`Плеј и Австриецот Дитхард Стернад.

Својата доминација Стефановски ја потврди и во втората трка како првопласиран со време 3:18.159, исто така пред О`Плеј и Стернад. Сите резултати ТУКА

Во конкуренција од 100 натпреварувачи од цела Европа, Иџе атакува годинава на титулата во Европскиот шампионат на ридско планински трки, со новите 25 поени, ќе остане првопласиран во генералниот пласман со 118 поени.

Претходно Македонецот имаше победи и во Франција, Шпанија и Португалија.