Португалија е уште една земја која денеска ја призна Палестина, изјави португалскиот министер за надворешни работи Пауло Рангел. Тој изјави дека Португалија се залага за решавање на спорот меѓу двете држави како единствен пат кон трајниот мир.

-Прекин на огнот е итно потребен, наведе Рангел и додаде дека Хамас не може да има било каква контрола во Газа ниту надвор од неа, барајќи ослободување на сите заложници.

Исто така тој додаде дека признавањето на Палестина како држава не ја брише хуманитарната катастрофа во Газа осудувајќи ги гладта и проширувањето на израелските населби на западниот брег. Палестина ја признаваат 150 од 193 држави членки на ОН што е 75 проценти, но таа нема меѓународно договорени граници, главен град ниту војска.