Пиза и тренерот Филипо Инѕаги меѓусебно го раскинаа договорот, објави денеска фудбалскиот клуб од Тоскана.

Инѕаги ја напушта Пиза еден месец откако обезбеди промоција во италијанската Серија А со тимот за прв пат по 34 години. Пиза го освои второто место во Серија Б, а во елитниот ранг се пласираа и Сасуоло и Кремона.

Поранешниот италијански репрезентативец имаше договор за уште две години. Италијанските медиуми објавија дека 51-годишниот тренер ќе остане во Серија Б и ќе го преземе Палермо.

Палермо наводно ѝ платил на Пиза речиси милион евра за Инѕаги и сака да се врати во Серија А следната сезона.

Палермо е во сопственост на Сити Фудбал Груп, која е сопственик и на Манчестер сити. Меѓу кандидатите за нов тренер на Пиза се Алберто Џилардино, како и Марко Џампаоло, кој доби отказ од Лече.