Американската сојузна држава Мисури синоќа го погуби осудениот убиец Ернест Џонсон, откако и гувернерот Мајк Парсон и Врховниот суд одбија да го помилуваат и покрај барањето на папата Франциск, меѓу другото, со образложение дека е ментално заостанат.

Поротата го прогласи Џонсон (61) за виновен за убиство на тројца вработени во бензинската пумпа во 1994 година. Тој бил погубен со смртоносна доза на пентобарбитал, моќен барбитурат инјектиран во затворот во Бон Тере, пренесува Би-Би-Си.

Неговите адвокати рекле дека има многу докази за неговата лоша ментална состојба. Тие вчера побарале од Врховниот суд да ја прекине егзекуцијата бидејќи со тоа се кршела уставната забрана за сурово казнување на луѓето со ментална попреченост.

Врховниот суд го одби барањето за помилување

Врховниот суд ретко ги блокира егзекуциите, а синоќа тој го отфрли барањето на Џонсон.

Џонсон страдал од фетален алкохолен синдром при раѓање, имал слаби перформанси на тестови за интелигенција во текот на животот и имал „секојдневни животни вештини“ на четиригодишно дете, тврдат неговите адвокати.

Парсон во понеделникот го негирал помилување за, како што рече неговата канцеларија, „бруталното убиство“.

Судот го прогласи Џонсон виновен за претепувањето до смрт на Мери Братчер, Мејбел Скрабс и Фред Џонс, во кои користел чекан, шрафцигер и пиштол.