Град Скопје поднесе кривична пријава против Јулијана Спироска, претседател на Управен одбор на ЈП „Комунална хигиена” за загрозување на животната средина и несобирањето на отпадот. Претходно кривична поднесе и Општина Аеродром за несобирањето на ѓубрето и загрозувањето на животната средина.

Од Град Скопје во пријавата наведуваат дека во периодот од 2022 година до денес било констатирано дека поради активности на Јулијана Спировска од ВМРО-ДПМНЕ, претседателка на Управниот одбор на ЈП „Комунална хигиена“ – Скопје, претпријатието континуирано не ја спроведува својата основна дејност, односно одржување на хигиената на подрачјето на град Скопје.

„Поради неа и нејзините политички мотивирани опструкции, повеќе од 3 години претпријатието е нефункционално“, велат од Град Скопје.

Од Општина Аеродром претходно денеска соопштија дека нивните екипи во изминативе 3 дена собрале 24 тони комунален отпад од домаќинствата во Аеродром, работа која градското комунално претпријатие не ја извршило.

Општината и ЈП „Комунална хигиена“ неколку пати си ја префрлаа топката околу надлежноста за тоа кој треба да ги исчисти мини-депониите кои се појавуваа на повеќе локации низ Аеродром.

Комунална: За чистење на депонијата кај Железничка е надлежна Општината, нашите обврски се исполнети