На денешен ден, 1 јули 2004 година, на 80-годишна возраст почина американскиот глумец и филмска икона Марлон Брандо. Боледувал од дијабетес, а кратко пред смртта му бил дијагностициран рак. По смртта бил кремиран, а неговата пепел била расфрлана на две места – во Тахити и во Долината на смртта.

Освен со своите врвни актерски остварувања, Брандо беше познат и по турбулентниот љубовен живот. Беше во брак три пати, но имаше и бројни љубовни врски за кои надолго и нашироко се пишуваше по медиумите. Тврдеше и дека имал афера со Мерилин Монро. Наводно, имал и хомосексуални искуства. Од бројните бракови, љубовни врски и афери, оставил зад себе дури 14 потомци, од кои некои биле посвоени, односно не биле биолошки поврзани со Брандо.

Љубовната врска помеѓу Марлон Брандо и Рита Морено била страстна, бурна, и – според нејзините зборови – „токсична, но неодолива“.

Се запознале во раните 1950-ти кога таа имала 22 години, а тој веќе бил 30-годишна филмска ѕвезда со огромна слава. Морено веднаш ја привлекла неговата харизма и интелигенција.

„Тој прв ден, кога го запознав, температурата на моето тело скокна до небото, како да ме ставиле во топла бања. Се зацрвенев од глава до пети. Марлон беше најсексапилниот маж што сум го сретнала. И најкомплицираниот”, изјавила таа подоцна.

Се развила меѓусебна привлечност и наскоро тие започнале страсна врска.

„Да се ​​каже дека беше одличен љубовник, сензуален, дарежлив, прекрасно иновативен, би било сериозно потценување со оглед на тоа што правеше не само со моето тело, туку и со мојата душа. Секој аспект од врската со Марлон беше возбудлив.“, откри Рита.

Како што самата признала, била луда по него, а Марлон бил луд по неа и по други жени.

-Тој беше неверојатен на толку многу начини, но беше лош. Беше лош кога стануваше збор за жени. Јас бев толку поинаква личност тогаш. Ги имав сите карактеристики на черга. Кога ме лажеше, му велев: „Марлон, погледни ме“. И тој почнуваше да се смешка… Го читав како книга, затоа ме сакаше и затоа ме малтретираше на толку многу начини“, рече таа.

Врската траела околу 8 години, но била многу нестабилна. Брандо често ја изневерувал, а таа – и покрај тоа што знаела – останувала со него, водена од емоции и надеж.

„Беше многу блиску до тоа да ми го скрши духот со своите физички неверства, но уште полошо, со своите емоционални предавства. Но, едноставно не можев да се држам подалеку од него. Станав зависна од тој предизвик да го освојувам одново и одново“, призна Рита.

Сакала да го направи љубоморен, а еднаш и успеала во тоа со помош на Елвис Присли. Откако разоткрила уште една афера на Марлон, менаџерот на Елвис ѝ се јавил и ѝ рекол дека „кралот на рокенролот“ сака да се сретне со неа. Таа веднаш се согласила: „Знаев дека никој друг не може да го направи Марлон љубоморен“.

И била во право. Кога дознал за нејзиното дружење со Елвис, тој се разбесни до тој степен што фрлал столови низ собата, а Рита само задоволно се смешкала затоа што планот ѝ успеал. Таа немала намера да влезе во сериозна врска со Елвис, кого го опишала како сладок, но здодевен.

Марлон, од друга страна, станал зависен од тоа да ѝ го крши срцето. Кога Рита дознала дека Брандо повторно ја изневерил – и дека имал дете со друга жена – таа паднала во длабока депресија.

Во еден од најтешките моменти, Рита се обидела да си го одземе животот, облекувајќи една од неговите кошули и голтајќи апчиња.
За среќа, нејзината асистентка ја нашла на време и таа била спасена.

Кога забременила, тој веднаш ја принудил на абортус, кој бил извршен непрофесионално, а Рита завршила во болница поради компликации.

Кратко по абортусот, Марлон отишол на снимањето на филмот „Бунт на бродот Баунти“ и се вљубил во Тарита Терипаја на снимањето. Тоа бил почетокот на крајот на неговата врска со Рита.

Брандо набрзо се оженил со Тарита, а неколку години подоцна Рита се омажила за Леонардо со кого е во брак до денес.

„Леонардо е љубовта на мојот живот, а Марлон е страста на мојот живот“, изјави таа во 2017 година и призна дека во спалната соба веднаш до фотографијата на нејзиниот сопруг има и фотографија од Брандо.