Бугарската влада соопшти дека руската државна компанија за гас „Гаспром“ од утре ја запира испораката во земјата.

Тоа доаѓа само неколку часа откако Полска соопшти дека нејзиното снабдување со гас од Русија е прекинато.

Русија ја прекина испораката на гас за Полска

Ројтерс го цитираше бугарското Министерство за енергетика дека Бугарија презела чекори за да обезбеди алтернативно снабдување со гас и дека им кажала на жителите дека во моментов нема потреба да се ограничува потрошувачката на гас.

Се вели дека Гаспром предложил нова шема за плаќање што го прекршува актуелниот договор со Бугарија.

Рускиот претседател Владимир Путин на почетокот на овој месец потпиша декрет со кој се бара од купувачите на гас да плаќаат во рубљи преку руските банкарски сметки, за да ја поддржат нејзината валута.