Сао Паоло потпиша договор со Лионел Меси, секако не станува збор за ѕвездата на Пари Сен Жермен туку за деветгодишно момче од Бразил на кое целосното име му е Лионел Меси Да Силва.

Она што е посебно интересно е што и таткото на ова момче се вика Хорхе, исто како на аргентинската ѕвезда. Поради неговото име ова момче привлече големо внимание, меѓутоа според пишувањата му се најавува добра фудбалска иднина.

Lionel Messi da Silva, do sub-9, assinou seu primeiro contrato com o São Paulo.

? @MadeCotia
? Reprodução pic.twitter.com/d1VwUp7dZK

— Planeta do Futebol ? (@futebol_info) May 11, 2023

Сон на момчето е да заигра за Барселона, меѓутоа за такво нешто пред него има многу работа, во овој момент ќе биде под договор со бразилскиот гигант.

„Секогаш сонував да играм професионален фудбал, а сега мојот сон станува реалност. Благодарен сум на Сао Паоло што ми ја даде оваа можност, ќе дадам се од себе да ја искористам на најдобар начин“, изјави малиот Меси.

За медиумите зборуваше и неговиот татко.

„Навистина сме горди на нашиот тим. Работеше напорно за да дојде до овој момент и веруваме дека во иднина може да направи големи работи“, истакна Хорхе.