И Бислимовски не очекува да поскапи струјата за домаќинствата

Оваа година во јуни се распишува тендер за универзалниот снабдувач ЕВН хоум. Тоа е отворен тендер, но вообичаено секогаш се јавува ЕСМ кој, факт е дека има далеку пониска цена од пазарната. Од најавите кои ги слушам најверојатно ќе се оди со истата цена од 62 евра за мегават/час, информира претседателот на Регулаторната комисија за енергетика водни услуги и услуги за управување со комунален отпад (РКЕ) Марко Бислимовски.

Тој појаснува дека од пред година и половина цените за пренос и дистрибуција отсега ќе се определуваат во ноември и декември.

-А кога ќе ги определиме нив ќе мора да ја определиме цената на универзалниот снабдувач имајќи во предвид дека и тогаш ќе се распишува тендер – рече Бислимовски во „Топ Тема“ на телевизијата „Телма’.

Тој говореше и за евентуалната промена на цената на електричната енергија.

-Јас не очекувам дека ќе има промена на електричната енергија за домаќинствата и малите потрошувачи – вели Бислимовски.

Според него, факт е дека во последните години ЕСМ започна да увезува јаглен и дека тоа влијае на производната цена на државната енергетска компанија.

Струјата не поскапува, енергетските компании нема да побараат повисоки цени

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот