На дочекот на Новата година на плоштадот „Македонија“ во Скопје ќе настапи и Бени Шаќири заедно со групата „Нон стоп“.

Кога пред два дена Град Скопје ја објави новогодишната програма, Шаќири, кој беше кандидат на ДОМ и ЛДП за градоначалник на Скопје на локалните избори, не беше меѓу домашните пејачи и групи чијшто настап беше најавен. Денеска од Град Скопје објавија програма за дочекот, во која стои дека од 22.30 часот настап ќе има Бени и „Нон стоп“.

Пред него ќе настапат раперите „Пука Козметика“ и групата „ДНК“. Од 23.30 настапува групата „Нокаут“, а по неа фолк пејачите Наум Петрески и Зуица Лазова.

Градоначалничката Данела Арсовска изјави дека од буџетот на Градот не се дадени пари за новогодишната прослава, туку пејачите се платени од страна на три општествено одговорни компании.