Калајџиев: Со Турција имаме послоевита процедура за екстрадиција, не е толку брза колку што се надева јавноста

Откако доцна синоќа бегалецот Љупчо Палевски Палчо беше уапсен во турскиот град Баликесир, експресно Основното јавно обвинителство и Министерството за правда ги подготвија барањата за екстрадиција заедно со барањето Палчо да остане во екстардициски притвор се до завршување на процедурата. Сепак неизвесно е за кој временски период Палчо би можел да биде донесен во држава со оглед на тоа што Македонија и Турција со оглед на тоа освен правно формалните елементи постојат и политички реперкусии кои можат да ја одолговлечат постапката.

 

Исто така, според професорот Калајџиев доколку Палчо беше уапсен во некоја членка на европското семејство ќе беше донесен во земјава за краток временски период бидејќи земјите членки имаат меѓусебна доверба.

„Со Турција имаме послоевита процедура која не е толку брза колку што се надева јавноста’, вели Калајџиев за Канал 5.

Како што објаснува Калајџиев, откако формално ќе се испрати барањето се бара и ескрадициски притвор за осомниченото лице. Рокот е 18 дена во покомплицирани случаи моќе да трае најмногу до 40 дена.

Имаме меѓународни билатерални договори со Турција, имаме Европска конвенција, имаме домашни закони што покриваат празнини за делот од процедурата тука и таму, вели Калајџиев.

 

Според објаснувањето на професотрот, нивната процедура бара прво локален суд да одлучи за самото апсење. Потоа за самата екстрадиција кон Макеоднија одлучува висок Кривичен суд, таканаречен сериозен суд или суд за тешки кривични дела.

Ако судот го пушти, политички не може веќе да биде екстрадиран, значи има двоен филтер, а ако судот одобри екстрадиција има право на жалба. Па после почнува административниот дел,  кадешто кај нив за разлика од многу држави  кадешто одлучува само министерот за правда, на барање на министерот за правда одлучува министерски совет, вели Калајџиев.

Според него, роковите се кратки и некаде за околу 2 до 3 месеци целата постапка би требало да се заврши.

Вообичаено доколку би било некое најобично убиство не би очекувал проблеми. Таму кадешто има политички реперкусии, знаете со „Монструм“ знаете секогаш имаме една таква страна сензитивна. Има повеќе услови од правни и формални домалку софистицирани и политичките коишто се тешко мерливи, политичкиот дел зависи од многу работи од тој аспект е многу важно каква е традицијата со државата од која се бара есктрадицијата.

Од Министерството за правда информираат дека од досегашната пракса нашата држава немала никакви проблеми со екстрадициите до Турција. Министерството побарала од турските власти, Палевски да биде сместен во екстардициски притвор се додека не заврпи постапката и не биде изведен пред македонските судови и лицете на правдата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ