Заврши прес-конференцијата на високиот претставник на ЕУ за надворешна политика и безбедност Жосеп Борел и премирот Димитар Ковачевски во владата. Борел во изјавата стави акцент на присуството на Министерот за надворешни работи на Русија Сергеј Лавров на самитот на ОБСЕ во Скопје.

„Вашата одлука да дозволите Лавров да учествува е во согласност со нашата заедничка цел да го одржиме мултилатерализмот жив. Лавров треба повторно да слушне од сите зошто ја осудуваме Русија и зошто ја изолираме. Ова е добра прилика за него за чуе зошто Русија е осудена и изолирана и потоа ќе може да се врати во Кремљ и да му каже на господарот на Кремљ дека ОБСЕ и ЕУ остануваат обединети во осудувањето на незаконско и агресивното однесување на Русија“, изјави високиот претставник на ЕУ за надворешна политика и безбедност, Жосеп Борел по средбата со премиерот Ковачевски во владата.