Во понеделник, хрватската полиција, во соработка со Европол и словенечките колеги, спречи шверц на шест мигранти во областа Запрешиќ и уапси двајца осомничени шверцери, српски државјани. пренесува Н1.

Мигрантите биле скриени во товарниот простор на камион со српски регистарски таблички, управуван од 42-годишен државјанин на Србија.

Тие биле транспортирани во затворен простор помеѓу товарите, каде што постоела сериозна опасност по нивните животи поради можно движење на товарот и недостаток на воздух.

Во текот на кривичната истрага во областа Вараждин е уапсен и 32-годишен државјанин на Србија, сопственик на компанијата што го поседувала возилото. Полицијата се сомнева дека учествувал во организирање на шверц.