Хрватските инспектори откриле високи нивоа на тешки метали во овошјето од Молдавија, објави во четвртокот Европскиот систем за безбедност на храната (РАСФФ).

Како што јавуваат, кадмиум е откриен во кајсии од Молдавија. За среќа, сè се случило при анализата на примерокот на граница, па веднаш било наредено уништување на целата пратка. Во примерокот од кајсија, пронајдени се 0,040 мг/kг од тешкиот метал кадмиум. Оловото и кадмиумот се канцерогени и исклучително штетни доколку се консумираат во храната, особено во подолг временски период.

Кадмиумот може да мигрира во овошјето и зеленчукот, на пример, од вештачки ѓубрива, а го има и кај школките и лигњите. Кадмиумот се акумулира во бубрезите и на крајот ги оштетува. Во Хрватска веќе има случаи на повлекување храна од пазарот поради високите нивоа на кадмиум и олово. Во последните години поради кадмиумот се повлечени доматите и школките, потсетува Даница.хр.