Судот во Загреб нареди пет лица да бидат задржани во притвор во времетраење од еден месец, за сослушување во врска со осомничениот измамнички трговски договор со кој хрватската компанија за нафта и гас ИНА изгуби 1 милијарда куни (132 милиони долари), објавија хрватските медиуми.

Антикорупциските власти ги уапсија петтемина, вклучително и менаџерот на ИНА, во саботата поради формирање на компанија обвинета дека добивала набавки со ниски цени од средината на 2020 година до средината на 2022 година, а потоа ги продавала во странство за огромен профит.

Бандата остварила добивка од 800 милиони куни, кои ги инвестирала во имот, соопшти хрватската агенција за борба против измами УСКОК.

Најголем акционер во ИНА е унгарската компанија за нафта и гас МОЛ со 49,08 отсто, додека хрватската влада има 44,84 отсто, а остатокот им припаѓа на малите акционери.

Министерот за економија Давор Филиповиќ утрово одржа итен состанок со фирмата.

„Раководството на ИНА ќе мора да ни даде многу одговори“, им рече Филиповиќ на новинарите, велејќи дека не знаел за договорите кога бил на надзорниот одбор.

Хрватска: Голема полициска акција за апсење луѓе осомничени за перење пари на штета на компанијата ИНА