Според грубите проценки кои доаѓаат од пекарската индустрија, Хрватите за две недели пред Фашник и почетокот на постот „кркаат“ најмалку 30 милиони парчиња крофни. Во просек тоа значи, најмалку два милиони секој ден, што е навистина импресивна бројка. Така, вкупната потрошувачка пред постот е близу осум крофни по жител на Лијепа наша, информира Даница.хр. Во тие две недели, крофните се трошат како луди, потврдија од Млинар, Копривница, од каде велат дека изминативе десетина дена има неверојатна побарувачка на овие карневалски слатки. Толку многу што најскапите често просто исчезнуваат: полнети со чоколадо или ф’стаци.

Притоа, никој не прашува за нивната цена. Крофните полни со овошје во Млинар чинат 0,65 евра, чоколадните крофни 1,25 евра, а крофните од ф’стаци по 2 евра. Но, и во таа продавница и во малопродажните синџири преовладуваат замрзнатите кои се варени или само одмрзнати. Се разбира, ваквите крофни не можат да се споредат со тазе испечените во пекарниците.