Четворица државјани на Хрватска се уапсени во Англија поради грабеж во домот на фудбалерот на Њукасл, Александар Исак кој се случил на 4. април.

Крадците кои неодамна допатувале во Велика Британија од Италија биле уапсени во петокот. Исто така од полицијата соопштија дека ова дело не е единственото за кое се обвинети.
Александар Исак е најскапиот фудбалер на Њукасл за кого премиерлигашот плати 70 милиони евра на Реал Сосиедад. На 24 натпревари во Премиер лигата, Исак постигна 17 голови и запиша една асистенции.

Од домот на Исак крадците однеле скапа облека, пари, накит и автомобил кој подоцна бил пронајден.

„Дејли Мејл“ ги објави и имињата на сторителите: Јело Јовановиќ (42), Валентино Николов (31), Џакомо Николов (27) и Чарли Јовановиќ (23).

Британскиот инспектор, Шон Фроди истакна дека е горд на завршената работа на полицијата.

„Ова беше одличен приказ на квалитетна полициска работа. Операцијата покажува дека нема да го толерираме никаков вид на криминал. Сакаме максимално да ја заштитиме нашата заедница“, изјави Форди.