Кога доживуваме стрес, телото ги активира физиолошките процеси, како што е симпатичкиот нервен систем и влегува во состојба на борба или бегство. Тогаш нашето тело може да ослободи хормони на стрес – адреналин, норадреналин и кортизол – што ја зголемува будноста, нивото на шеќер во крвта и енергетската подготвеност на телото. Додека овие процеси се во нормални граници, тие ги подобруваат нашите перформанси и еластичност. Меѓутоа, кога стресот станува премногу интензивен и почнува негативно да влијае на здравјето, неопходни се итни промени.

Како се манифестира стресот во различни делови од телото?

Мозок – доаѓа до пореметување на циркадијалниот ритам, со што се зголемува ризикот од депресија и деменција. Се јавуваат и проблеми со несоница, а квалитетот на сонот станува лош.

Очи – стресот предизвикува замаглен вид, замор, болки во очите и областа околу очите, главоболки и прекумерно трепкање.

Уши – се јавува зуење во ушите, состојба позната и како тинитус, а хроничниот стрес исто така може да предизвика и губење на слухот.

Тироидна жлезда – се намалува производството на активни тироидни хормони, Т3.

Кожа – под зголемена количина стрес, кожата може да биде помрсна, посклона кон создавање акни, егзема, псоријаза и брчки.

Срце – стресот предизвикува зголемен пулс и висок крвен притисок, што пак може да придонесе за поголем ризик од срцев и мозочен удар.

Мускули – се јавуваат грчеви и хронични болки

Стомак – под стрес, се таложат масни наслаги особено во пределот околу стомакот.

Надбубрежните жлезди – додека хормоните кортизол и адреналин се зголемуваат, половите хормони се намалуваат.

Јајници – стресот негативно влијае на либидото и на репродуктивното здравје

Црева – се јавува цревна пропустливост и чувствителност на храна, а зголемен е и ризикот од синдром на нервозно дебело црево.

Коски – нивната густина се намалува, а ризикот од фрактури се зголемува.

Имунолошки систем – стресот го уништува имунолошкиот систем, предизвикува разни воспаленија, го прави телото поподложно на разни инфекции, а исто така и поподложно на разни автоимуни состојби како што се дијабетес, целијакија, мултиплекс склероза и други болести.