Во Језоло, Италија, македонската репрезентација во традиционално таеквондо МТТФ во рамките на ИТФ е дел од Европското првенство во ИТФ (17-24 април 2023 год.)

На овој настап има натпреварувачи од 27 земји, а нашата репрезентација е предводена од претседателот и воедно селектор, Марјанчо Лазарески, заедно со седум репрезентативци.

Во првиот натпреварувачки ден медал за Македонија во женска конкуренција донесе Христијана Парулеска од Охрид.

Парулеска беше второпласирана во форми (кати) 11-13 години, црн појас – први дан.

Покрај Парулеска, Македонија на ЕП ја претставуваат и Давид Крстески, Божидар Димитриевиќ, Владимир Димитриевиќ, Софија Колушоска, Елена Јанеска и Давид Велковски.