Според астрологијата, денеска ќе доживееме „темпераментен“ транзит, познат како Месечина во Девица. Денеска ќе се почувствуваме вознемирено и ќе реагираме на ситуациите поинаку од вообичаеното.

Претставниците на овие три хороскопски знаци особено ќе се соочат со искушенија, пишува „Сенса“.

Рак

Поради вашиот темперамент, вие лесно губите пријатели во животот. Понекогаш знаете да изреагирате доста драматично. Иако порано не сте биле свесни за своите грешки, денеска ќе се осмелите да се соочите со реалната слика. Ќе се најдете пред предизвикувачко искуство и поради денешниот транзит ќе влезете во искушение да се однесувате како во минатото.

По подолго време, ќе ги доведете во прашање вашите постапки. Дали навистина ќе бидете инаетливи за да докажете дека сте во право? Овој пат ќе си докажете дека постои и среден пат по кој можете да чекорите.

Вага

Вие сакате да мислите дека сте прилагодливи и прогресивни. Но, минатото ви покажа дека кога еднаш ќе се одлучите нешто, многу малку може да ве предомисли. Ова ви создава аура на тврдоглаво однесување околу вас. Луѓето полека, но сигурно, се повлекуваат бидејќи знаат дека не можат да ви влијаат, што е пречка за создавање потенцијалните пријателства.

Она што е навистина добро е дека, сепак, не сте толку тврдоглави, затоа што сте и исклучително интелигентни. Денеска ќе направите добри избори.

Риба

Вие лесно ќе го почувствувате влијанието на Месечината во Девица и ќе се фатите себеси како, на вообичаен начин, емоционално се повлекувате. Кога велиме „вообичаено“, тогаш мислиме на тоа дека сте прилично навикнати да реагирате на ист начин на речиси сè, но денеска ќе осознаете дека веќе не сте толку „фини“ како порано.

Тоа е така затоа што конечно почнавте да се браните на соодветен начин. За време на Месечината во Девица, ќе осознаете кој е совршениот пат по кој треба да тргнете и нема да прифаќате секакви глупости.