Пред две недели Џорџино Вајналдум од ПСЖ како позајмица се пресели во редовите на Рома, а на еден од тренинзите тешко се повреди и сега е неизвесен неговиот настап на Мундијалот.

Холанѓанецот на последниот тренинг се здоби со скршеница на десната потколеница во еден дуел со соиграчот Феликс Афена-Гјан. Клубот не прецизираше колку долго од терените ќе отсуствува Вајналдум.

Италијанските медиуми пренесуваат дека тој најверојатно ќе паузира до крајот на годината, поради што ќе го пропушти Светското првенство во Катар.

Поранешниот играч на Ливерпул забележа повеќе од 80 настапи за Холандија. Мундијалот ќе започне на 20 ноември, а финалето е закажано за 18 декември.

„Лалињата“ на СП ќе играат во групата „А“ со репрезентациите на Катар, Еквадор и Сенегал.