Познатиот холандски новинар, Питер Р. де Врис, кој беше застрелан минатата недела, им подлегна на повредите.

Де Врис бил погоден во главата, а по нападот бил пренесен во болница. И покрај напорите на лекарот да го одржи во живот, тој почина, пренесува Спутник.

За потсетување, нападот се случи само неколку минути откако тој ја напушти зградата на РТЛ, каде учествуваше во популарното телевизиско шоу „Булевар РТЛ“.

Де Врис се стекна со слава на почетокот на 80-тите години на минатиот век, кога го следеше киднапирањето на тајкунот за пиво Фреди Хајнекен. Од 1995 до 2012 година тој беше водител на популарна криминална емисија на холандската телевизија, која опфаќаше познати случаи од црната хроника.