Холандија денеска го нареди протерувањето на двајца руски дипломати под обвинение за шпионажа, јавувија холанските медиуми.

Холандската агенција АИВД во соопштение наведе дека открила дека дипломатите, кои биле вработени во руската амбасада во Хаг, биле ангажирани во шпионажа, пренесуваат британските медиуми.

„Ние ги штитиме стратешките интереси на нашата земја со собирање разузнавачки информации и користење на тие информации за разоткривање на шпионажата. На тој начин можеме да ги нарушиме овие обиди за шпионажа, како што направивме овде“, рече генералниот директор на АИВД, Ерик Акербум.

Еден од нив барал информации за вештачка интелигенција, полупроводници и нанотехнологија, соопшти АИВД.

„Оваа технологија има цивилна, како и воена примена, вклучително и во вооружените системи“, додаде Акербум.

Извор:МИА