Капитенот на Тотенхем Хеунг-Мин Сон го продолжи договорот со англискиот фудбалски клуб до јуни 2026 година.

Како што беше најавено, Сон (32) по потпишувањето на новиот договор ќе остане во клубот од Лондон повеќе од една деценија.

Капитенот на јужнокорејската репрезентација дојде во Тотенхем во 2015 година од Баер Леверкузен. За клубот во сите натпреварувања одигра 431 меч и постигна 169 голови.

Со Тотенхем не успеа да освои ниту еден трофеј, а најблиску до тоа беше во 2019 година, кога беше поразен во финалето на Лигата на шампионите од Ливерпул.

Тој играше и во финалето на Лига купот во 2021 година кога Тотенхем беше поразен од Манчестер сити. Сон моментно е на 11 позиција на вечната листа на клубот по бројот на одиграни натпревари за Тотенхем, а четврти по бројот на голови.