Британската актерка Хелен Мирен е инспирација за бројни млади жени во светот…

„Луѓето ми бараат разни совети за кариерата. Но навистина не знам што би им кажала. Мојот совет би бил да не доцнат и да не бидат неупотребливи. Зграбете ја приликата и дајте сто проценти од себе“.

„Не можете да влијаете на тоа како ве гледаат другите луѓе или пак на тоа што тие мислат за вас. Помирете се со тоа“, изјави добитничката на Оскар во едно интервју.

Мирен вели дека доколку би се вратила во младоста таа би си дала еден совет сама на себе:

„Во овие години, кога на младата Хелен Мирен би можела да и дадам само еден совет, би и кажала да го користи зборот „откачи се“ што почесто“.

Таа често пати вели дека најголемата лекција која една жена може да ја научи во животот е токму онаа која и ја кажале нејзините родители „Никогаш не дозволувај финансиски, ниту пак на било кој начин да зависиш од некого“.

Хелен е и амбасадорка на Лореал козметиката. Таа вели дека долго време било потребно за во рекламите наменети за зрелите жени навистина да се појават жени во позрели години.

„Ме излудуваше кога во рекламите за производи за нега на кожа прикажуваа девојчиња од 15 или 16 години. Во триесетите го гледав тоа и си мислев „за што зборувате вие?“. Тоа беше банално и многу ме лутеше“, изјави таа.