Манекенката Хејли Бибер неодамна им откри на фановите дека има здравствени проблеми. Имено, таа на  Инстаграм сподели фотографија од надуениот стомак, а во описот изјави дека има две цисти на јајниците.

„Моментално имам две цисти на јајниците. Ако имате проблеми со цисти на јајниците, тука сум за вас“, им порача таа на своите следбеници.

Според клиниката Мајо, цистите на јајниците не се невообичаени и многу жени ги имаат во одреден момент од животот. Повеќето цисти речиси не предизвикуваат непријатност и генерално се безопасни.

Сепак, големите или пукнати цисти „може да предизвикаат сериозни симптоми“, вклучувајќи карлична болка, надуеност или тежина во стомакот.

Но освен надуеност, Хејли не откри повеќе детали за нејзината здравствена состојба.

Сепак, ова не е прв пат таа јавно да зборува за својот проблем со цистите. Во 2022 година на Инстаграм објави дека има циста на јајниците со големина на јаболко и дека е болна. Потоа почувствувала мачнина и надуеност.

„Немам ендометриоза или  синдром на полицистични јајници, но неколку пати добив цисти на јајниците и тоа никогаш не е забавно“, напиша таа тогаш.