Играчите на Шкендија го одржаа официјалниот тренинг во Ереван, Ерменија/Фото: instagram.com/fcshkendija

Хасани: Нè чекаат уште 90 минути до пласман во второто коло во Лигата на конференции

Шкендија в четврток (17.00 часот) во Ереван против Арарат ќе ја брани предноста од 2:0 од првиот натпревар во Скопје во првото квалификациско коло од Лигата на конференции.

Тетовските „црвено-црни“ предводени од тренерот Артим Шаќири се свесни дека ништо не е готово во двомечот со Ерменците.

Победникот во следната квалификациска рунда ќе ги одмери силите против летонската екипа на Валмиера.

– По добрата игра и позитивниот резултат од првиот натпревар, сега нè чекаат уште 90 минути. Ќе влеземе во мечот за да извлечеме што попозитивен резултат. Го анализиравме првиот дуел и верувам дека со максимална посветеност на зелениот терен ќе успееме да се пласираме во следната рунда – вели фудбалерот на Шкендија, Ферхан Хасани.

Главен судија на реваншот во ерменскиот главен град е Олексиј Деревински од Украина.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот