Романската тенисерка Симона Халеп е првата финалистка на мастерс турнирот од серијата 1000 во Торонто, откако во полуфиналето ја совлада Американката Џесика Пегула во три сета со 2:6,6:3,6:4.

Моментално 15. тенисерка во светот славеше против седмата тенисерка на ВТА-листата по два часа и 14 минути игра и со тоа стигна до своето четврто финале на мастерсот во Канада и ќе се бори за третата титула.

Со победата над Пегула и пласмант во финалето, Халеп од понеделник повторно ќе биде меѓу десетте најдобри тенисерки на ВТА ранг-листата.

Во финалето на турнирот во Торонто, Халеп ќе игра со победничката од второто полуфинале во кое се среќаваат Каролина Плишкова и Бразилката Беатрис Хадад Маја.