Ерлинг Халанд има фантастична сезона во дресот на Манчестер сити, во саботата против Саутемптон стигна и до бројката од 30 постигнати голови во 27 премиерлигашки настап.

Севкупно Норвежанецот во дресот на „граѓаните“ оваа сезона реализираше 44 голови во 38 настапи.

Потребни му се уште четири голови да се израмни со Енди Кол и Алан Ширер.

Сити до крајот на сезоната има уште осум натпревари: Лестер, Арсенал, Фулам, Вест хем, Лидс јунајтед, Евертон, Челси и Брентфорд.

Импресивен е податокот кој вели дека Халанд има повеќе постигнати голови од дури осум премиерлигаши, тие се Челси (29), Вулверхемптон (24), Вест хем (27), Кристал палас (24), Бурнмаут (28), Евертон (23), Нотингем форест (24) и Саутемптон (24).