Хабиб откри колку пари бара за да се врати во октагонот!?
УФЦ шампионот во лесна категорија, Хабиб Нурмагомедов нема намера повторно да се бори против Конор МекГрегор кој веќе го победи, ниту пак моментно има интерес да ги одмери силите одново со Ирецот..
Препорачано
Но, повторно се активни шпекулациите дека тоа би се случило само под еден услов..
Евентуалниот нов спектакл, или реваншот помеѓу Хабиб и МекГрегор би се реализирал само доколку промоцијата биде подготвена да издвои огромна сума од 100 милиони долари за потписот на непоразениот Дагестанец.
Нурмагомедов во професионалната кариера има учинок од 29 победи и ниту еден пораз и на тој начин после триумфот над Џастин Гејџи пред јавноста кажа дека заминува во пензија.
– Доколку одлучите да ја завршите кариерата, тогаш завршете ја. Зошто сакате веднаш да го земете појасот од мене? Не сум размислил за тоа, ќе остане така (неговиот статус како шампион). Дана Вајт (претседателот на УФЦ) мислам дека ќе ми понуди пари. Доколку тоа се, да речеме, 100 милиони долари, ќе биде проблем да се донесе одлука. Ќе видиме – вели Хабиб кој наскоро треба да се сретне со Вајт во Абу Даби.
