Менаџерот на фудбалерите на Манчестер сити, Пеп Гвардиола, се надева на успешен почеток на претстојната сезона во Премиер лигата, што ќе им даде самодоверба на неговите играчи, бидејќи тие имаат за цел да ја вратат титулата.

„Граѓаните“ минатата сезона завршија на третото место во Премиер лигата, зад Ливерпул и Арсенал.

– Постои само едно очекување – да се обидеме да направиме сè што е можно, да ги добиеме првите неколку натпревари, да добиеме самодоверба и да продолжиме напред. Секоја сезона е слична на претходната во некои аспекти, но во исто време продолжуваме со она што го правиме во последните 10 години. Секако, сакаме да постигнеме повеќе од минатата сезона. Но, секој пат пред почетокот дури и не размислуваме за тоа што ќе постигнеме – изјави Гвардиола.

Првиот натпревар во новата премиерлигашка сезона Сити ќе го игра на гостински терен 16 август против Вулверхемптон.

„Граѓаните“ својот прв домашен меч ќе го имаат на 23 август против екипата на Тотенхем.