Навивачите на Манчестер сити не мора да се грижат, Пеп Гвардиола останува менаџер на актуелниот шампион на Англија и следната година.

Шпанскиот фудбалски стратег дојде во Англија во 2016 година, а потоа клубот потпиша тригодишен договор со клубот од „Етихад“.

За осум години, колку што помина на клупата, тој до сега има освоено пет титули во Премиер лигата, а минатата сезона 2002/2023 дојде и до трофејот во Лигата на шампионите.

Пред одигрувањето на последниот премиерлигашки меч денеска од 17.00 часот против Вест хем кажа дека ќе остане во клубот и следната сезона.

– Да, имам договор и сакам да бидам тука. Мојот план е да бидам тука и следната сезона – рече Гвардиола.

На едно коло до крајот во Премиер лигата на табелата „граѓаните“ имаат 88 бодови, два повеќе од второпласираниот Арсенал.

?? Pep Guardiola confirms he will be Man City manager also next season: “Yes, I’ve a contract and I want to be here”.

“My plan is to be here next season, yes or yes”. pic.twitter.com/blN32NSN9z

— Fabrizio Romano (@FabrizioRomano) May 18, 2024

Манчестер сити може до одбрана на титулата со победа пред своите навивачи против Вест хем, или Арсенал не триумфира или освои само бод на „Емирати“ против Евертон. За Арсенал нема друга опција, играчите на Микел Артета ќе станат нови шампиони доколку ги освојат потребните три бода, а Сити загуби или одигра реми.