Менаџерот на Манчестер сити, Пеп Гвардиола, одговори на коментарот на поранешниот фудбалер Рој Кин.

Поранешниот фудбалер за врска на Јунајтед по натпреварот помеѓу Сити и Арсенал (0:0) изјави дека Ерлинг Халанд е играч за четврта лига.

– Изненаден сум што коментарот доаѓа од поранешен фудбалер. Не ми паѓа на памет да се расправам со него. Тоа е исто како јас да кажам дека тој е менаџер за втора или трета лига. Чудно е колку брзо луѓето забораваат – изјави Гвардиола, а потоа ги потсети поранешните фудбалери вработени во англиските телевизии дека и тие некогаш биле фудбалери.

Норвежанецот беше целосно „невидлив“ на натпреварот против Топџиите, но сепак е претерана изјава на Кин со оглед на тоа дека Халанд е најдобар стрелец во лигата со 18 гола.

– Проблемите со кои се соочуваат играчите денес сите ги доживеаја стручни коментатори во минатото. Промашија и шанси, промашија илјадници и милиони пати и секако не им беше удобно кога беа критикувани поради тоа – рече Шпанецот.