Групација „Санте Плус“ се прошири со уште една болница во Скопје: „Санте Плус 3“ е резултат на визија и на посветеност
Турскиот министер за трговија присуствуваше на отворањето на новата болница на „Санте Плус“ во Скопје, најавувајќи многу посилна соработка меѓу Турција и РС Македонија во наредниот период.
Официјално се отвори новата медицинска установа (поранешна ВФВ клиника, а денес „Санте Плус 3“), како дел од Групацијата „Санте Плус“, која се наоѓа меѓу општините Бутел, Чаир и Шуто Оризари. Оваа болница ќе биде една од најважните клинички центри во Групацијата „Санте Плус“.
Препорачано
Покрај многубројните еминентни гости, на отворањето присуствуваше и заменик-претседателот на Владата на РС Македонија Арбен Фетаи, заедно со колеги од Владата и министерот за трговија на Република Турција, г. Омер Болат. Во своето обраќање, г. Фетаи истакна дека ова значајно достигнување е резултат на визијата и на посветеноста на сопственикот на Групацијата „Санте Плус“, г. Билал Кара.
Новата медицинска установа има впечатлива инвестиција, особено во радиологијата, физиотерапијата и одделот за гастроентерологија. Располага со магнетна резонанца од 1,5 тесла, со 64-слојна компјутерска томографија и дигитална мамографија.
„Знаеме дека потребата од овие најсовремени апарати за дијагноза е многу голема во Македонија и дека во земјата има долга листа на чекање за да се дојде до овие дијагностички процедури, па дури и во приватниот сектор. Наша цел е да ги направиме достапни овие дијагностички процедури во Македонија и тоа по многу прифатливи цени и изведени со помош на најдобра светска технологија“, изјави д-р Билал Кара, сопственик на Групацијата „Санте Плус“.
Во новата болница на Групацијата „Санте Плус“, освен на радиологијата и физиотерапијата, акцент е ставен и на одделот за термална медицинска терапија и на одделот за педијатрија. Ќе биде на располагање и итна служба достапна 24 часа, особено во интерната медицина и педијатријата.
Групацијата „Санте Плус“ (Sante Plus Group) е дел од широката мрежа што ги вклучува Турција, Албанија, Косово, Црна Гора и Србија. Мотото на Групацијата е овозможување здравствени услуги за секого, и не само во еден медицински сегмент туку во сите здравствени области, односно понуда на најдобар можен медицински третман по најдобри цени со врвна технологија и експертски тим лекари од Македонија и од Турција.
Експертскиот тим на „Санте Плус 3“ ви стои на располагање. За информации и закажување термин – 070 299 010.
(Комерцијален текст)
