Артан Груби, првиот вицепремиер на Северна Македонија, во интервју за косовскиот портал ‘Репортери’, меѓу другото, тој зборува и за заедничката владина седница меѓу владите на Македонија и Косово, како и за блокадата на работата на собранието од албанската и македонската опозиција, пренесува Слободен печат.

Тој вели дека заедничката владина средба меѓу Косово и Македонија не била организирана поради политички случувања во Приштина.

-Не се одржа поради тоа што косовското Собрание беше распуштено, и политичките елити во Приштина одлучија да одат на предвремени избори и сега чекаме конституирање на новата влада и без никакви пречки да ја започнеме заедничката подготовка за состанокот на владата бидејќи имаме многу заеднички прашања за кој треба да разговараме. Планина Шар, патот Призрен-Тетово, отстранување на границата во Блаце меѓу Косово и Северна Македонија и други соработки кои вкупно се 19 билатерални договори кои чекаа да бидат потпишани – изјави Груби.

Говорејќи за блокирањето на работата на Собранието од албанската и македонската опозиција, Груби вели дека сите учесници на парламентарни избори учествуваат за да ги застапуваме интересите на граѓаните и да го реализират тоа што им го ветиле.

-Сите на парламентарни избори учествуваме за да ги застапуваме интересите на граѓаните и да го реализираме она што им го ветивме. Ние не бараме гласови за блокирање на работата на институциите, особено во време на пандемии и пречки на економијата. Во моментов, пратениците од опозицијата со илјадници амандмани го блокираа петтиот пакет помош за стопанството и граѓаните за субвенционирање на плати, за помош на малата економија. И, ова е нефер, затоа што ќе се казни на избори. Имаме локални избори најдоцна до октомври. Граѓаните бараат решенија, а не блокади. Тие бараат напредок, а не пречки во нивната работа. Недостаток на капацитет за спроведување на политиките ги турка во целосни блокади на Собранието, што никаде не е популарен чекор – изјави Груби, пренесува Слободен печат.