Натпреварот од третото квалификациско коло во Лигата на шампионите меѓу АЕК Атина и Динамо Загреб е одложен поради навивачки нереди во кои загина едно лице, навивач на АЕК.

И пред овој натпревар на навивачите на Динамо им беше забрането да доаѓаат на стадионот во Атина, но сепак заминаа во Грција и направија хаос ден пред натпреварот.

Додека се чека да се види каква ќе биде казната за Динамо, можна и за АЕК, и Грчката и(ли) Хрватската фудбалска федерација, грчкиот фудбалски второлигаш Атина Калитеа се огласи на Твитер.

Грчкиот второлигаш смета дека „модрите“ треба да бидат суспендирани.

– УЕФА треба да го исфрли Динамо Загреб од европските натпреварувања. Сè друго е несериозно. Наше сочувство до семејството на Михалис Кацурис и заедницата на АЕК – напиша грчкиот второлигаш.

UEFA should ban Dinamo Zagreb from European competitions. Anything less is a charade.

Our condolences to the family of Michalis Katsouris and the AEK community.

— Athens Kallithea FC (@AKFC66) August 8, 2023

Потоа, Атина Калитеа имаше уште една објава како реакција на објавата на УЕФА за нов термин на натпреварот меѓу АЕК и Динамо: „Е*и хулиганизам“.