Јавното претпријатие „Водовод и канализација“ денеска одново апелира до скопјани рационално и внимателно да ја користат водата за пиење, поради тоа што, откако извесен период водоснабдувањето беше донекаде нормализирано, сега одново потрошувачката е над 350 илјади метри кубни вода.

Апелираме до граѓаните на градот Скопје рационално да ја користат и употребуваат водата за пиење, односно да се избегнува полевање поголеми површини, разладување на дворни површини, улици и непотребно трошење на водата за време на топлите денови- велат од претпријатието.

Оттаму посочуваат дека енормно зголемената и неконтролирана потрошувачка на вода на дневно ниво, предизвикува нарушување на стабилноста на водоснабдителниот систем, а како последица на сето ова, градскиот водоводен систем функционира со намален притисок и со повремени прекини на вода во делови од градот.

Од претпријатието, веќе вообичаено, ги повикуваат жителите да пријават доколку забележат какво било истекување на вода.