Министерството за внатрешни работи ја стави во функција опцијата преку која граѓаните можат да го проверат статусот на нивниот пасош, односно дали истиот е во процес на изработка или е изработен и може да се подигне.

Оваа можност се однесува само за граѓаните од Скопје кои се фотографирале во редовна постапка на пунктовите Пролет и МТВ.

– Со оваа функција значително ќе се придонесе кон намалување на метежот што се создаваа бидејќи граѓаните беа принудени да чекаат и по неколку часа само за да се информираат дали нивниот пасош е изготвен – велат од МВР.

Министерството соопшти дека работат на надградување на овој систем, со цел да се овозможи ваквата проверка да биде достапна и за останатите пунктови, како и за статусот на личните карти.

Проверката е достапна на следниот линк.