Рузмаринот е една од најчестите состојки во јадењата и коктелите, а одличната работа кај него е што лесно се одгледува, без разлика дали во градината или на прозорец. Меѓутоа, ако сакате да го садите на отворено, треба да земете предвид неколку фактори кои можат да го забрзаат неговото опаѓање, објавува „Дејли експрес“.

Весли Етјен Пјер, автор на „Модерниот родител на растенија“, сподели неколку совети за садење рузмарин, истакнувајќи дека тоа е растение кое не бара многу внимание. Сепак, за неговиот успешен раст, изобилството на природна светлина е од суштинско значење, па затоа не треба да се сади во близина на дрвја.

„Потребна му е светла, директна сончева светлина без сенка, затоа засадете го подалеку од дрвјата. Ако го чувате во затворен простор, најдоброто место е прозорец свртен кон југ со непречен поглед на небото“, објасни Весли.

Одгледувањето рузмарин дома бара малку поинакви услови, па затоа се препорачува одгледување во близина на прозорец свртен кон исток, запад или југ, додека дополнително осветлување се препорачува за домови со недостаток на светлина.

На рузмаринот му се потребни најмалку шест часа сончева светлина дневно, а недостатокот на светлина ќе резултира со слаб и издолжен раст. Исто така, добрата циркулација на воздухот е важен фактор, што го спречува развојот на болести.

Иако рузмаринот сака малку посува почва, во случај да не врнело дожд, треба да се полева на секои неколку дена. За рузмаринот што се одгледува дома, потребно е почвата малку да се исуши пред повторно да се полева.