Ролат од пафлак

Потребни состојки:
2 кг свински пафлак
2 јаболка
3 главици кромид
6 домашни колбаси
50 г лебни трошки
1 лажица ким
1 лажичка сол
50 г ореви
2 лажици сончогледово масло
3 лажици брашно
150 мл јаболков оцет
700 мл пилешка супа
1 лажица мед

Подготовка:

Mесото одберете го да биде цело парче и да биде доволно големо за да може да завиткате ролат. На почеток посолете го убаво и втријте ја солта во месото. Премачкајте го со јаболков оцет од двете страни а потоа и со масло. Кромидот исечете го ситно и пржете го на загреано масло. Јаболката исечете ги ситно и ставете ги да се пржат заедно со кромидот. Во тавата ставете парчиња од колбасите (истиснете ги од цревото) и пржете ги. Ставете кршени ореви, ким, сол и бибер. Пржете околу 15 минути а на крај додадете лебни трошки за да ја впијат течноста од колбасите. Подготвениот фил префрлете го врз месото на средина од парчето и затворете го во ролат и врзете го со конец. Вака подготвеното месо ставете го во тава со загреано масло и пржете го од сите страни по неколку минути за да фати кора. Во тавата каде што го пржите ставете оцет, мед, искршете две коцки за супа, ставете сол и бибер и додадете масло и ставете врела вода да има барем еден прст под месото. Затворете ја тавата со фолија за печење и на неколку места направете дупчиња за да испарува течноста. Ставете го во загреана рерна на 220 степени и печете половина час, а потоа намалете на 160 степени и печете 2 часа. На крајот тргнете ја фолијата, зголемете ја температурата на 220 степени и печете уште 15 минути.

Прилог

Потребни состојки:

6 мали компири
рузмарин
сув лук
сол и бибер
масло или путер

Подготовка:

Од двослојна алуминиумска фолија направете кадичка, компирите со лушпа ставете ги внатре, прелијте со масло, ставете парчиња путер и зачинете. Убаво затворете ја фолијата и ставете го компирите заедно со местото во рерна еден час пред да биде готово месото и печете на истата температура.

Сос

Течноста во која се печеше свинското
3 лажици брашно