Готвиме со Маја: Канелони и трилече
Канелони
Потребни состојки:
Препорачано
-
1
-
2
-
3
1 пакетче канелони
600 гр мелено говедско месо
3 чешниња лук
5-6 печурки
1 морков
1 кг доматен сос
300 гр гауда
1/3 китка магдонос
1 лажичка сув босилек
1/2 китка свеж босилек
1 моцарела
1 тиквица
Подготовка:
Тиквицата исечете ја по должина на многу тенки листови и испечете ги на скара или грил тава. Наредете ги на подлога и посолете ги. Морковите и печурките иситнете ги во сецко или блендер. Загрејте масло и пропржете згмечен лук и ставете ги морковот и печуркитe. Потоа додадете го месото и зачинете со сол и бибер, босилек, магдонос и испржете го убаво. Во доматниот сос ставете неколку лажици масло, посолете и зачинете со босилек и бибер. Од овој сос ставете две лажици во прженото месо и измешајте. Со оваа смеса полнете ги канелоните. Можете да користете готварски шприц за полесно да ги наполните. Затворете ги со рендан кашкавал од двете страни и обвиткајте ги со листовите тиквица. Во огноотпорен сад ставете на дното од сосот а потоа редете ги канелоните во зависност од обликот на садот. Печете ги покриени во загреана рерна на 180 степени околу 40 минути а потоа и откриени уште 10 минути за да се запечат.
Трилече
Потребни состојки:
2 чаши брашно
1 и 1/4 чаши шеќер
6 јајца
2 кесички ванилин шеќер
1 пециво
Млечен прелив
1 л млеко
500 мл слатка павлака
200 гр кондензирано млеко
Глазура
Готов прелив за трилече
Подготовка:
Белките матете ги 3 минути со миксер а потоа додадете го шеќерот, ванилин шеќер и матете уште една минута. Жолчките изматете ги со миксер и префрлете ги во белките и ставете го брашното во кое сте го ставиле пецивото. Матете го кратко на најслаба брзина за да ги соедините состојките. Тавата во која ќе печете обложете ја со хартија за печење, префрлете ја смесата и измазнете убаво. Печете во загреана рерна на 165 степени околу 20 минути. Оставете го да се олади тестото додека го подготвувате преливот. Во тенџере ставете го млекото, кондензираното млеко и слатката павлака и зовријте. Прелијте врз ладниот пандишпан. Кога ќе впие млечниот прелив, премачкајте со готова глазура за трилече.
