Штоперот на Арсенал, Вилијам Салиба, ги прифати сите услови и наскоро ќе го официјализира новиот договор со „тобџиите“.

Французинот во изминатите месеци се споменуваше како голема желба на Флорентино Перес, кој го гледа како „Џуд Белингем меѓу штоперите“, но сега е јасно дека Реал Мадрид ќе мора да бара нова цел.

Салиба се чувствува одлично во Лондон и одлучи да прифати нов договор до 2030 година, иако актуелниот му важеше до летото 2027.

Микел Артета во повеќе наврати истакна дека Салиба е лидер и столб на одбраната на Арсенал и дека го смета за еден од најдобрите во светот на својата позиција.

Навивачите на Арсенал конечно може да здивнат – останува уште само клубот и Салиба официјално да го потврдат потписот на новиот договор.