Белгискиот фудбалски маестро Кевин де Брујне беше херој на својата репрезентација во синоќешниот драматичен триумф над Велс, постигнувајќи го победничкиот гол. Но по крајот на репрезентативните обврски, вниманието ќе се пренасочи кон неговата клупска иднина, која веќе добива јасни контури.

Како што јавуваат италијанските и британските медиуми, Де Брујне нема да патува со Манчестер сити на Светското клупско првенство, а од 1 јули ќе биде слободен агент. Следната станица во неговата блескава кариера ќе биде италијанскиот шампион Наполи, клуб кој успеа да го убеди 33-годишниот плејмејкер дека Неапол е вистинското место за нов почеток.

Иако имаше атрактивни понуди од Саудиска Арабија и МЛС, Де Брујне реши да остане во Европа со јасна цел, да докаже дека и понатаму може да игра на највисоко ниво. Според информациите, Наполи веќе пред еден месец ги интензивираше преговорите, по што белгискиот интернационалец ја прифатил понудата на претседателот Аурелио Де Лаурентис, двегодишен договор вреден 10 милиони евра по сезона (вклучувајќи бонуси).

Во наредните денови се очекува Де Брујне да отпатува во Рим каде ќе ги изврши задолжителните медицински прегледи, а потоа ќе следува и официјалното претставување во Неапол, како големо засилување на Наполи во новата сезона.

🚨💣 Kevin De Bruyne, on the verge of completing his move to Napoli!

Contracts have been approved and just waiting for KDB to sign a two year deal with option for further season.

Medical tests to follow as next step… here we go, coming soon. pic.twitter.com/H1QxGHlO0v

— Fabrizio Romano (@FabrizioRomano) June 10, 2025