Одбојкарите по историскиот настап на Европското првенство на кое забележија две победи, над Белорусија и над вицешампионот Словенија се најдоа на 17. место на европската ранг листа.

Капитенот, Никола Ѓорѓиев по историскиот успех, очекува репрезентацијата да го продолжи трендот на настапи на континенталниот собир и побара од институциите во државата да се заложат и да направат се што треба за Македонија да биде еден од организаторите на ЕП 2023 година.

„Ова е голем напредок и историски резултат на дебито.Овој циклус од две години е успешен… Честитки до ОФМ и целиот стручен штаб и играчите. Следниот циклус за наредното ЕП започнува денес. Квалификациите за наредното ЕП се во август и септември 2020година. Би сакал да го продолжиме континуитетот на големите натпреварувања и после две години да бидеме подобри од 17 место на ЕП и 21 во Европа. Знам дека можеме. Европско првенство 2023 година – Македонија (еден од организаторите), сонот на оваа генерација. Ве молам помогнете“, напиша Ѓоршиев на својот Фејсбук-профил.