Голманот Андре Онана е изоставен од составот на Манчестер јунајтед за натпреварот против Њукасл во 32 коло од Премиер лигата.

Тренерот на фудбалерите на Јунајтед, Рубен Аморим, ја донесе одлуката откако камерунскиот голман направи сериозни грешки во првиот натпревар од четвртфиналето на Лигата на Европа, во кој „црвените ѓаволи“ одиграа нерешено 2:2 со Лион.

Наместо Онана, голот на Јунајтед ќе го брани Турчинот Алтај Бајиндир, кој бранеше на шест натпревари оваа сезона, но ниту еден во Премиер лигата.

Манчестер јунајтед моментно е на 13 место со 38 бодови на премиерлигашката табела, додека Њукасл е на седмата позиција со 53.

Непосредно пред крајот на 2024 година во првиот меѓу овие две екипи на Олд Трафорд триумфираше Њукасл со 2:0.