Екипата на ПСЖ новата сезона во Лигата на шампионите ја започна како главен фаворит за титулата и во првото коло според експертите имаше идеален противник за да го потврди тој статус.

„Светците“ во Белгија на натпреварот против Бриж настапија со најсилниот состав и за прв пат нападот го предводеа Лионел Меси, Нејмар и Килијан Мбапе, но не успеаја да ја оправдаат фаворитската улога и одиграа само 1:1.

Голот за ПСЖ го постигна Андер Ерера на асистенција на Мбапе, но Внакен во 27 минута израмни на 1:1, резултат кој на крајот се покажа како конечен.

What a strong performance. So proud!! ?? #UCL #CLUPSG pic.twitter.com/F4L0doAYZK

— Club Brugge KV (@ClubBrugge) September 15, 2021

Голманот на Бриж, Симон Мињоле не беше импресиониран од триото Меси, Нејмар и Мбапе.
– Немав многу работа, игравме многу добро како колектив. Не им дозволивме да создадат премногу шанси за гол. Сите знаеме дека индивидуално се многу силни и затоа избегнувавме да ги доведеме да дојдат во ситуација „еден на еден“. Го браневмер просторот и тоа го правевме како тим. Нормално, тие се одлична екипа, но повторував немав премногу работа. Имав две-три одбрани – изјави Мињоле.

Бриж во второто коло во ЛШ на 28 септември и гостува на Лајпциг, додека ПСЖ го очекува супер пресметка со Манчестер сити.