Екс фудбалерот на Челси, ја понуди својата приватна болница во Брегот на Слоновата Коска, да биде центар за лечење на лицата кои се позитивни на ковид-19.

Болницата се наоѓа во Абиџан, изградена е од фондацијата на Дрогба и го носи името на Лоран Поку, фудбалер кој почина во 2016 година.

Chelsea legend Didier Drogba offers up his Ivory Coast hospital as a coronavirus treatment centre.https://t.co/L9srPN5ksl

— Charles Onyango-Obbo (@cobbo3) April 13, 2020

Грајдоначалникот на Абиџан, Венсан То Би Ири, му се заблагодари на Дрогба за патриотскиот гест и му порача дека болницата ќе помогне во борбата против пандемијата. Во најбрзо можно време се очекува болницата да биде опремена со најмодерна опрема за да може да одговори на предизвиците во борбата против коронавирусот.

Во Брегот на Слоновата Коска досега од коронавирус се заразени 574 лица, а пет лица се починати.

Ова не е прв пат Дидие Дрогба да биде вклучен во хуманитарни акции во татковинана, тој беше и дел од мировната мисија која успеа да ги оконча меѓуплеменските и меѓуетничките борби во таа африканска земја.

Дрогба за репрезентацијата на Брегот на Слоновата Коска одигра 105 натпревари на кои постигна 65 гола, а најголем белег во кариерата остави носејќи го дресот на Челси со кого триумфира и во Лигата на шампионите.