Филип Талески наредната сезона се враќа во Вардар како големо засилување, потврдија од таборот на „црвено-црните“.

Талески имаше ограничена минутажа во Лисабон во редовите на Бенфика, па се одлучи за враќање во Македонија и тоа во клубот со кој освои три шампионски титули во домашното првенство и еден Куп на Македонија.

„Со задоволство го потврдуваме враќањето на нашиот „бомбардер“ ФИЛИП ТАЛЕСКИ во дресот на Вардар. Уште многу вакви радости заедно да прославуваме. Добредојде Филип!“, објави Вардар.

Кариерата на Талески започна во Металург, по што настапуваше и за германските Рајн Некар Левен и Балинген.